Datgelu
Llywio cyrff ar eu taith seiber, gan eu helpu i ddeall sut i gadw gwybodaeth yn ddiogel ac ymchwilio unrhyw fater a allai effeithio eu diogelwch.
DEALL AEDDFEDRWYDD DIGIDOL
Mae cyrff ar draws y wlad ar daith seiber. Gall y daith ddechrau wrth gyflwyno prosesau a gweithdrefnau digidol sylfaenol ac esblygu i ddatblygu fframweithiau a rhwydweithiau soffistigedig, gydag oblygiadau i effeithlonrwydd a diogelwch.
Erbyn hyn mae PSBA wedi datblygu model asesu cadarn y gellir defnyddio gyda chyrff o bob math a maint. Os am gefnogi cyrff gyda’r adnoddau ac arbenigedd angenrheidiol, mae’n bwysig deall sut maent yn gweithio a ble maent wedi cyrraedd ar y daith seiber.
Rhaid deall natur eich corff a’i gynlluniau ar gyfer y dyfodol os am gynghori sut i ddiogelu eich data.
Bydd ein hargymhellion strategol nid yn unig yn eich helpu i ddatblygu strategaeth diogelwch seiber ond hefyd yn helpu i gynllunio llwybr digidol ehangach.
DATGELU ASEDAU GWYBODAETH
Mae datgelu asedau gwybodaeth (Information Asset Discovery – IAD) yn broses systematig sy’n gallu helpu corff i ddeall pa wybodaeth sy’n ganolog i gynnal ei wasanaethau a hysbysu penderfyniadau pwysig am anghenion diogelwch seiber.
Dyfeisiwyd proses IAD er mwyn catalogio’r holl wybodaeth ym meddiant corff a nodi’r elfennau pwysicaf. Un o amcanion allweddol y broses yw diogelu gwybodaeth a data critigol rhag ymosodiadau seiber o bob math.
Mae project IAD o dan reolaeth PSBA hyd yn oed yn gallu datgelu gwybodaeth na fydd aelodau allweddol o’r tîm mewnol yn ymwybodol ohono ac felly’n gallu hysbysu datblygiad a rheolaeth o’r strategaeth diogelwch seiber.
DATGELU ASEDAU MATEROL
Wrth drafod mathau gwybodaeth a data penodol, bydd yn bwysig deall sut mae asedau materol cyrff yn effeithio eu gallu i gadw gwybodaeth yn ddiogel.
Dyfeisiwyd proses PAD (Physical Asset Discovery) PSBA er mwyn catalogio caledwedd digidol, yn cynnwys gliniaduron a ffonau symudol a ddarperir gan y corff, a gliniaduron a ffonau personol sy’n cysylltu â’r rhwydwaith.
Bydd gwella dealltwriaeth eich corff o’r asedau materol a sut maent yn rhyngweithio â’r rhwydwaith digidol yn hanfodol os am gadw eich rhwydwaith yn saff ac wrth ddatblygu a rheoli eich diogelwch seiber.